💫ब्रेकिंग !!! 💫 ग्रामपंचायत निवडणुकांसाठी मतदार यादीचां कार्यक्रम जाहीर

निवडणुकांसाठी मतदार यादीचां कार्यक्रम जाहीर

चांदवड तालुक्यात या आहेत ग्रामपंचायती

एकीकडे निवडणूक आयोगाने माहे ऑक्टोबर 2022 ते माहे डिसेंबर 2022 मध्ये राज्यातील मुदत संपणाऱ्या ग्रामपंचायतींसाठी प्रशासक बसवण्याचे आदेश काढले असतानाच दुसरीकडे निवडणूक आयोगाने या ग्रामपंचायतीच्या निवडणुकीची तयारी सुरू केली आहे .त्यानुसार सदर ग्रामपंचायतच्या मतदार यादीचा कार्यक्रम घोषित करण्यात आला असून अंतिम मतदार यादी प्रसिद्ध झाल्यानंतर कधीही निवडणूक कार्यक्रम जाहीर होऊ शकतो .त्यामुळे प्रशासक बसवण्याच्या आदेशाने थंडावलेल्या इच्छुकांच्या तोफा दिवाळीनंतर पुन्हा एकदा जोमाने प्रचारात रंगणार आहेत. आडगाव ,बोराळे, भाटगाव, भुत्याने चिंचोले, दहेगाव ,चिखलअंबे ,दरेगाव, देवरगाव ,दुधखेड, दुगाव, डोणगाव, गणुर ,कोकणखेडे ,कुंदलगाव ,नारायणगाव , पुरी, रेडगाव ,साळसाने , सोनीसांगवी, शेलु काजीसांगवी,कोलटेक पाटे , खेलदरी, खडक ओझर, मालसाने, निंबाळे निमोण, मेसनखेडे ,शेलू ,शिंगवे, तळेगाव रोही, तळवाडे, वाद , वडाळीभोई, विटावे या गावांच्या ग्रामपचायतींच्या माहे ऑक्टोबर २०२२ ते डिसेंबर २०२२ याकालावधीमध्ये मुदत संपत आहे. राज्यात या कालावधीत मुदत संपणाऱ्या सुमारे ७६४ ९ ग्रामपंचायती तसेच नव्याने स्थापित ग्रामपंचायतींच्या सार्वत्रिक निवडणुकांसाठी राबविण्यात यावयाचा मतदार यादीचा कार्यक्रम राज्य निवडणूक आयोगाने जाहीर केला आहे. राज्यातील माहे ऑक्टोबर २०२२ ते डिसेंबर २०२२ मध्ये मुदत संपणाऱ्या सुमारे ७६४ ९ तसेच नव्याने स्थापित ग्रामपंचायतींच्या सार्वत्रिक निवडणूका घेणे क्रमप्राप्त आहे . या निवडणुका घेण्यासाठी महाराष्ट्र ग्रामपंचायत अधिनियम १ ९ ५ ९ च्या कलम १२ नुसार ग्रामपंचायतींच्या प्रभागनिहाय मतदार याद्या तयार करणे आवश्यक आहे . याकरीता दिनांक ३१/०५/२०२२ रोजी अस्तित्वात असलेली विधानसभेची मतदार यादी वापरायची आहे . आयोगाच्या दिनांक ०४/१०/२०२२ च्या सुधारीत अधिसूचनेन्वये दिनांक ३१/०५/२०२२ हा दिनांक अधिसूचित करण्यात आला आहे . या निवडणूकांसाठी संगणकप्रणालीव्दारे नुसार प्रभागनिहाय मतदार यादीचा कार्यक्रम राबविण्याचे आदेश देण्यात येत आहे . मतदार यादी कार्यक्रमाची व्याप्ती राज्यातील माहे ऑक्टोबर २०२२ ते डिसेंबर २०२२ मध्ये मुदत संपणाऱ्या सुमारे ७६४ ९ तसेच याने स्थापित ग्रामपंचायतींच्या सार्वत्रिक निवडणूकांकरिता दिनांक ३१/०५/२०२२ रोजी प्रसिध्द केलेली महाराष्ट्र विधानसभेची मतदार यादी वापरण्यात यावी . या निवडणूकांसाठी संगणक प्रणालीव्दारे मतदार याद्या तयार करण्यात याव्यात . त्यासाठी दिनांक १२/१०/२०२२ पर्यंत मतदार याद्या download करुन त्यांचे printout काढून प्रारुप मतदार याद्या तयार करण्यात याव्यात . मतदार यादीचे प्रभागनिहाय विभाजन करण्याचा कार्यक्रम खालीलप्रमाणे राहील . मतदार यादी ग्राह्य धरण्याचा दिनांक 31/ 5/ 2022 प्रभाग निहाय प्रारुप मतदार यादी प्रसिध्द करण्याचा दिनांक हरकती व सूचना दाखल करण्याचा कालावधी हा 13/ 10 / 2022 ते 18 / 10 / 2022 पर्यंत . असा असणार. प्रभागनिहाय अंतिम मतदार यादी प्रसिध्द करणे 21 / 10 / 2022 पर्यंत असा आहे. प्रभागनिहाय प्रारुप मतदार यादी प्रसिध्द केल्यानंतर त्या ग्रामपंचायतींच्या नावासह ( मराठी / इंग्रजी ) प्रसिध्दी अहवाल राज्य निवडणूक आयोगाकडे तात्काळ न चुकता सादर करण्यात यावा . , प्रभागनिहाय प्रारुप मतदार यादी तयार करणे – प्रभागनिहाय मतदार यादी तयार करताना पुढील बाबींची खात्री करून घ्यावी . विधानसभा मतदार यादीत संबंधित ग्रामपंचायतींचा समाविष्ट असलेल्या एकूण मतदारांची संख्या अधिक त्या ग्रामपंचायतींसाठी तयार करण्यात आलेल्या प्रभागनिहाय प्रारुप मतदार यादीतील मतदारांची एकूण संख्या समान आहे ( म्हणजेच संबंधित ग्रामपंचायतींतील विधानसभेच्या मतदार यादीत समाविष्ट असलेले सर्व मतदार त्या ग्रामपंचायतींच्या सर्व प्रभागांसाठीच्या प्रारुप मतदार यादीत समाविष्ट करण्यात आले आहेत तसेच , संबंधित ग्रामपंचायतीच्या हद्दीबाहेरील मतदार त्यामध्ये समाविष्ट झाले नाहीत याची खात्री करावी . या मतदार यादीतील दुबार नावांबाबत आयोगाच्या आदेश क्र . मनपा / रानिआ २००७ / प्र.क्र .०६ / का .०५ , दिनांक २४/०४/२००७ अन्वये कार्यवाही करावी . मयत अथवा स्थलांतरीत मतदारांच्या बाबतीत आयोगाच्या आदेश क्रमांक- रानिआ / मनपा- २०१० / प्र.क्र .४ / का -५ दि . ११ /१०/ २०१० प्रमाणे अन्वये कार्यवाही करावी . याप्रमाेच सूचना देण्यात आल्या आहेत. राज्य निवडणूक आयोग महाराष्ट्र यांनी हा कार्यक्रम जाहीर केला आहे.