मटका व्यवसाय सुरू ठेवण्यासाठी ४० हजार रुपयांची लाच स्विकारताना पोलीस कर्मचाऱ्यांस वडनेरभैरव पोलीस ठाणे हद्दीतच अटक
लाचखोरांचा लज्जास्पद प्रकार
चांदवड ( प्रतिनिधी ) : – चांदवड तालुक्यातील वडनेर भैरव येथील पोलीस ठाण्यात शिपाई असलेल्या किसन रमेश कापसे ( वय ३२ , रा . पोलीस ठाणे वसाहत , वडनेरभैरव ) आणि संतोष दिनकर वाघ ( वय ३ ९ , रा . पोलीस वसाहत ) यांना ४० हजार रुपयांची लाच स्विकारताना पोलीस ठाणे हद्दीतच अटक करण्यात आल्याची धक्कादायक घटना समोर आली आहे .
तक्रारदारास वडनेर भैरव पोलीस ठाणे हद्दीत शिरवाडे फाटा येथे कल्याण बाजार मटक्याचा व्यवसाय सुरू करायचा असल्याने हा व्यवसाय सुरळीत चालावा , यासाठी बीट कर्मचारी पोलीस शिपाई कापसे यांनी दरमहा ८० हजार रुपयांची मागणी केली . यातील ४०
हजार रुपयांची लाच रक्कम स्वीकारताना त्यांना रंगेहाथ पकडण्यात आले . याप्रकरणी गुन्हा दाखल करण्याची प्रक्रिया सुरू आहे . लाचलुचपत प्रतिबंधक विभागाचे पोलीस अधीक्षक सुनील कडासने , अप्पर पोलीस अधीक्षक एन . एस . न्याहळदे , वाचक पोलीस उपअधीक्षक सतीश डी . भामरे यांच्या मार्गदर्शनाखाली लाचलुचपत प्रतिबंधक विभागाच्या पोलीस निरीक्षक गायत्री जाधव यांनी सापळा रचला . त्यानुसार पोलीस हवालदार प्रफुल्ल माळी , पोलीस नाईक प्रकाश महाजन , अँन्टी करप्शन ब्युरो , नाशिकच्या पथकाने ही कामगिरी केली .
