💫💫 कातरवाडी येथील खून प्रकरणी पोलिसांनी तक्रारदार महिलेसह तिघांना घेतले ताब्यात

कातरवाडी येथील खून प्रकरणी पोलिसांनी तक्रारदार महिलेसह तिघांना घेतले ताब्यात

कातरवाडी येथे दोन दिवसापूर्वी सोपान बाबुराव झाल्टे यांचा राहत्या घरी अज्ञात लोकांनी हल्ला करून खून केला होता. याप्रकरणी पोलिसांनी तीन जणांना बेड्या ठोकल्या आहेत…

याबाबत अधिक माहिती अशी की, सोपान बाबुराव झाल्टे यांचा राहत्या घरी अज्ञात लोकांनी हल्ला करून खून केला होता. या घटनेची माहिती मिळताच मनमाड अप्पर पोलीस अधीक्षक समीर सिंग साळवे व चांदवड पोलीस निरीक्षक समीर बारवकर,पोलीस उपनिरीक्षक सुरेश चौधरी, कर्मचारी मंगेश डोंगरे, उत्तम गोसावी, अमोल जाधव, विजय जाधव, कीर्ती संसारे, पालवे, गुळे, राजेंद्र बिन्नर आदी कर्मचारी व स्थानिक गुन्हे शाखा नासिक यांच्या मदतीने व मालेगाव ग्रामीण पोलीस अधीक्षक चंद्रकांत खांडवी व नाशिक ग्रामीण सचिन पाटील यांच्या मार्गदर्शनात तपास करण्यात आला.
चांदवड तालुक्यातील कातरवाडी येथे पिता व पुत्रावर दिनांक अकरा रोजी रात्री अकरा वाजेच्या सुमारास अज्ञात व्यक्तींनी हल्ला करून चाळीस वर्षे मुलाचा खून केला होता ,तर या घटनेत 75 वर्षीय वयोवृद्ध वडील गंभीर जखमी झाले होते. त्यांना उपचारासाठी नाशिकच्या जिल्हा रुग्णालयात दाखल करण्यात आले होते याप्रकरणी पोलिसांनी 48 तासात तपास चक्र फिरवत तिघा संशयतांना ताब्यात घेतले आहेत.

तपासाअंती झाल्टे यांच्या पत्नी मनीषा सोपान झाल्टे, तिचे सहकारी सुभाष संसारे (रा. कातरवाडी) व खलील शहा (रा. मनमाड) या तीन संशयितांना चांदवड पोलिसांनी अटक केली आहे.