नांदेड येथील सु मा कुलकर्णी यांनी ‘माती मागतेय पेनकिलर’ काव्यसंग्रहावर लिहिलेला अभिप्राय

‘माती मागतेय पेनकिलर’ हा कवितासंग्रह शेतीमातीशी असलेल्या नाळाचे प्रगल्भ दर्शन घडवतो. सागर जाधव जोपुळकर यांनी आधुनिक शेतीतील त्रास, शेतकऱ्यांच्या आणि मातीच्या वेदना तसेच ग्रामीण संस्कृतीच्या भीषण वास्तवाला भावपूर्ण शब्द दिले आहेत. या संग्रहातील कविता जीवनातल्या विसंगती, नैराश्य आणि सामाजिक प्रश्नांना संवेदनशीलतेने मांडतात. कवीच्या अनुभवातून प्राप्त झालेल्या संवेदनशीलतेने कवितांना जीवंतता मिळाली आहे. हा संग्रह केवळ साहित्यिक नव्हे तर समाजासाठीही महत्त्वपूर्ण आहे, ज्याला विविध प्रतिष्ठित पुरस्कारांद्वारे मान्यता मिळाली आहे. अशा प्रकारची सर्जनशीलता आणि सामाजिक दृष्टीक्षेप असणारा हा संग्रह आहे. माझ्या मते, राज्य पुरस्कार, साहित्य अकादमी पुरस्कार मिळावा या लायकीचा हा कवितासंग्रह आहे.
सु. मा. कुळकर्णी ,नांदेड.