ग्राम चैतन्य दिवाळी अंकाचा प्रकाशन सोहळा
अल्पावधीतच लोकप्रिय व वाचकप्रिय ठरलेले साप्ताहिक ग्राम चैतन्यच्या दिवाळी अंकाचा प्रकाशन सोहळा सार्वजनिक वाचनालय चांदवड येथे १४ नोव्हेंबर रोजी दुपारी आयोजित करण्यात आला आहे.
जेष्ठ समीक्षक एकनाथ पगार व जेष्ठ कवी लक्ष्मण महाडिक यांच्या हस्ते दिवाळी अंकाचे प्रकाशन होणार आहे.
चांदवडी रुपय्या पुरस्कार वितरण सोहळ्यात ग्राम चैतन्य दिवाळी २०२१ या दिवाळी अंकाच्या प्रकाशनाचा कार्यक्रम आयोजित केला असून या कार्यक्रमास जाहिरातदार व साहित्य रसिकांनी उपस्थित राहावे असे आवाहन संपादक विक्रम देवरे व सहसंपादक सागर जाधव जोपुळकर आणि रावसाहेब जाधव यांनी केले.
